其實台語漢字無講蓋難，我台北人27歲，序大台語會曉講，袂曉讀寫，是標準的台語文盲
。共我講話時攏會變成國語。而我國小時，鄉土課嘛拄才開始咧教台語，講是教，嘛是干
焦咧唱歌跳舞爾爾。所以我讀到大學，猶原是無法度完整的用台語共人對話。

tshuah-sai)！！所以趁畢業前，我開始認真學台語，一開始是看民視的講台語當著時，
伊解說的真詳細，像台羅(台語的音標)的使用方法，台語文的腔調等等，後來我便開始用
台文試寫文章佇我的fb迷眾頁(fan page)，袂曉的，著去itaigi、chhoe taigi、教育部
台灣閩南語辭典，甚至是台日大辭典裡底揣，這種考古的過程實在是真趣味。嘛佇我的生
活中會使使用台語，著盡量用，一方面嘛有咧繼續看我介意的布袋戲。久啊著漸漸看有台
語漢字佮台羅了！按呢前後差不多2年的時間，這種學習的感覺，著佮我看動漫學日語仝
款，無需要特別上課，因為有興趣，你自然會留意，會去查字典。

當然，一定會有人講，學台語沒路用，外國嘛無人咧寫台語文。我是毋知影大家按怎想，
我嘛袂講啥物冠冕堂皇的話，我只是感覺台語著是屬於我的文化，而這个全世界干焦台灣
有，有別於中國閩南語(which is almost dead)、馬來西亞福建話的文化，讓我共(亻因)
無仝款，讓我有一種身份的認同感。著親像日本人寫日語，韓國人寫韓文，泰國人寫泰文
等等，(亻因)嘛無因為外國無咧寫，著放棄家己的文化。