[筆記] 台語漢字：[也/亦/抑/猶] (未排版整理) #台文 #一音多字&易混淆 #生活內底揣趣 - CityNight板

首頁(home) 上頁(↑) 下頁(↓) 末頁(end)

看板 CityNight

作者 Ctea (Ctea)
標題 [筆記] 台語漢字：[也/亦/抑/猶] (未排版整理) #台文 #一音多字&易混淆 #生活內底揣趣
時間 2023-08-25 Fri. 09:56:03

https://ji.taioan.org/chhoe/?x=猶&tab=gisu

á
iá
*iā
*ā

「M̄ chai ū á bô」「chia̍h pá á bōe」「beh á m̄」云云。《台日》有收「á」『或は。又は。それとも』、寫做『也』、例句「ū á bô」「sī á m̄ sī」。閣有「iá」『或は。又は。將又。それとも。乃至』、寫做『也』、例句「hó iá m̄ hó」云云。閣有「iā」『【也 [iá]】に似て語意輕し』、寫做『也』。閣有「ā」『【也 [iā]】』、丸那寫做『也』。請看「á-sī、iá sī」甲「iā sī」。只个「iā」咁是「iā sī」彼个 iā、咱無把握。

潮州語講『A』、第一調（～中平調、無論橫調・直調、治主流亞是全部个腔口）。呂宋《班唐》有寫『亜不』（*â m̄、ES 部）『是汝亜不』（*sī lú â m̄、ER 部）『值亜不』（*ta̍t â m̄、VA 部）、「值」字減一橫。《漳語 ARTE》寫『食飯亜未』（～*â bōe）、注解『COMISTE ONO』（～O NO）。《荔鏡記》第四十出有寫『〓弟啞搭舡湏用銭有銭也无』（〓、"兄" 字。舡～船。湏～須）、「也」字照講是塊寫「*á」。歌仔册寫『野』『也』恰多。唐山歌仔册有寫『呵』。

傳統羅字台文慣示寫「á」、罕得寫「iá」、凡世是照下門語个習慣。《麥》（172）漢文『求之與. 抑與之與』譯做漳語『*I ū kiû i, iá ū lâng hōu i』。「Iá」當然不是「á」个變体。《白話典》收「ah」「á」「iá」「a̍h」「ā」五体。

潮州語講『A』（潮詞滙："還是、抑或"）、第一調。十九世紀 FIELDE（1 葉）嗎有收「A」『OR; OTHERWISE』。

#要還是不要 #有還是沒有

= 分隔線 =

iáu
*iá
*á

「Iáu chhun jōa chē」云云。無祖緣漢字。「Iá」是「iáu」个省音。「Á」照講是「iá」个省音、不閣請看「á、iá」。歌仔册寫『野』『也』恰多。南管寫『夭』。唐山歌仔册有幾那本寫『殀』。《辛酉一歌詩》寫中華字『猶』。杜建坊（2008、第 120 葉）認爲歌仔册『野』有冬時仔是用塊寫「iā」。

《厦英》是收「iáu」『STILL; YET』、例詞「iáu-kú」「iáu ū」「iáu bô」（"NO MORE"）「iáu · ê」「iáu hó」（"TOLERABLE; PASSABLE; [ETC.]"、169 葉）。閣有「iá」、無直接注解、例詞「iá-bē」「iá-bô」（"NO MORE; THERE IS NO MORE"）「iá-ū」。閣有「á」、注解『= iáu』、例詞「á-bē」。

泉語「iá」有「chiâⁿ」（成）「chin」（眞、英語 "VERY"、中國語 "很"）个意思。請參考《晋江方志》（124）。福州語『IĀ』（上聲、～第二調）、仝欵。潮州語有講『IÁU』（潮詞滙："較，稍"）甲『IÁU SĨ』（潮詞滙："卻是"）、意思甲台語「iáu」「iáu sī」無對同、不閣定着仝原。《英汕》（301）有收『IÁU BŪE』、對譯英語『NOT YET』（～iáu bōe）。

羅字台文從到今寫『iáu』、罕得寫省音体『iá』（iah）『á』（ah）。

#尚有

= 分隔線 =

iá
iah
á
ah

「Á lí · le?」云云、助詞・發語詞・接續詞、《白話典》「ah」第五至第七條甲「iah」第二至第四條。傳統白話字寫做『iah』恰多个欵、無定定寫。不閣請看「iá bô」。《出死線》有寫『Siōng-hiaⁿ koh mn̄g, Iá lín khan-chhiú--ê ài bô?』。李献璋《福建語讀本》有教一句『猶幾奌食中昼』、『猶』記音「iá⁺』（～*iah）。流行歌詞有寫『啊』Ⓚ。陳雷漢羅短小說〈阿春無罪〉（永遠 ê 故鄉）寫『呵』。拱樂社《劍底鴛鴦》有寫『野我選尫愛鉛投』、「尫」字詳細字形即閣探討。《荔鏡記》有寫『夭』个欵。請看下脚。杜建坊先生有寫『啞無』。請看「iá bô」（*á-bô）。照講「ah」（á）是「iah」（iá）个省音、啞「iah」（iá）是「*iáu」个省音。建議照「iá bô」个辦、羅字寫『iá』、漢字借『夭』。

《荔鏡記》第十九出、占講『只歌莫唱』。生應講『佐乜莫唱』（佐～做）。占講『許个阮識』。生講『夭恁都識』。第二十二出、旦講『我想陳三也未敢罵你』。占應講『夭敢連唖娘乜都罵除』。旦講『夭都連我乜都罵⋯⋯』。以上、「都」字用『卩』、「歌」字用『𤔄』。第二十六出、生講『夭共益春』。

王育德《常彙》有收「á」『で. そして』、注『[iá] とも発音する』、漢字寫做『抑』、例句『Lí ū bé, á i · le』『Á āu-lâi án-chóaⁿ』。

#那麼 #那你呢？

= 分隔線 =

á-sī
á sī
iá sī

英語『OR』。表面上看起來、「á-」是「iá-」个省音、不閣此欠証明。潮州語講『A』（潮詞滙："還是、抑或"）、第一調。呂宋《班唐》（VA 部）『值亜不』（"值" 字減一橫）記音「*ta̍t â m̄」。「Iá-」咁是「iáu」个省音、也是無定着。請看《厦英》1 葉・165 葉。歌仔册寫『野是』『也～』。唐山歌仔册有一半本仔寫『呵是』ⓀⒸ。唐山歌仔册有寫『或是』、不知是塊寫「á-sī」（iá sī）亞是「he̍k-sī」亞是「iā sī」。《荔鏡記》第三十七甲第四十六出『也是』照講是塊寫「*iá sĩ」。「Á-sī、iá sī」前節特別適合寫做羅字。那卜借台灣假名、建議寫『亞是』（亜～）『野是』。

「野」字「也」字平平是假名、今「也」字用塊寫幾也个成常用个功能詞、不時閣讀 ā、夭「也」字是『也着箠、也着糜』彼个「iā」（也）个祖緣字。台灣假名通變体進前、那卜借字寫「iá-」、借「野」字恰妥當。

漢文「抑」（ek）字「猶」（iû）字含「á-、iá-」無血緣、在來个台文嗎不八寫按呢。

羅字台文在來寫『á-sī』、用連劃。全羅《教會報》上少有 3431 篇寫「á-sī」（"á sī" 咁有包含在內、咱無把握）、干礁 3 篇寫「iá-sī」、1 篇寫「iah-sī」、0 篇寫「ah-sī」。歌仔册寫『野是』『也是』、羅字台文煞罕得寫『iá sī』。咱知影羅字台文當初照下門音、夭歌仔册恰泉底・同安底。傳統白話字慣勢揷連劃寫『á-sī』、大概是因爲『á』即孤一字、揷連劃甲「-sī」縛鬥陣恰好認。今「á」甲「sī」本身是單詞、寫『á sī』照講丸那眞合白話字个理路。

#也是

= 分隔線 =

iā sī
ia̍h sī
*ā sī

有英語『STILL』甲『OR』个意思。「Iā sī」（ā sī）生成云那有英語『ALSO』个意思。「Iā sī」（STILL、OR）前節有影是常用功能詞「iā」。客語『YÅ HE』（也係）嗎是有『ALSO』『STILL』『OR』三項意思。只个詞唐山客語嗎有（客英）、不是過台灣共台語借个。「Iā sī」歌仔册大多數寫做『也是』『亦是』。歌仔册『或是』恰多是唐山歌仔册塊用、不知是塊寫「á-sī」亞是「iā sī」亞是「he̍k sī」。《荔鏡記》嘉靖版『也是』寫 33 擺、『ALSO』甲『OR』朗有、啞『亦是』干礁寫 1 擺。

潮州語講『A』（潮詞滙："還是、抑或"）。十九世紀 FIELDE 有收第一調『A』、注解『OR』。《客英》『*YÅ』（也、原册第三・第七調無分）嗎有只个意思。

「或」字《廣韻》胡國切、屬德韻（合）、甲「國」字仝韻。

台文在來罕得寫『ā sī』『a̍h sī』（DADWT）。全羅《教會報》有 1005 篇寫着「iā-sī」、101 篇寫着「ia̍h-sī」、5 篇寫「ā-sī」（OR）、1 篇寫「ā-sī」（STILL）、0 篇寫「a̍h-sī」。以上凡世無算着無連劃个用例（"iā sī" 云云）。

#也是 #亦是

= 分隔線 =

iáu sī
*iá sī
*á sī

英語『STILL』・中語『还是』（還～）。請看「iáu」。歌仔册『也是』那用塊寫『STILL』只个意思、有時仔是只个詞、有時仔是「iā sī」（請看）、惡分別。

只个詞組、《中教部閩南典》注解做『還是』、例句『Kuí-nā nî bô kìⁿ bīn, lí iáu sī kah í-chêng kāng khoán』。理論上、只个「iáu sī」不是語詞、是「iáu」甲「sī」用做伙那定。《台日》「iáu sī」無收。《白話典》有收、注解做『（到底）還是，即表示認為是對的選擇』、例句『Iáu sī góa lâi khì kah i kóng khah khoài』『Iáu sī mài khì, hó』、意思恰狹。

= 分隔線 =

iáu koh
*iá koh
*á-koh

請看「iáu」「iáu-kú」「m̄-koh」。

拱樂社《三潭印月》有寫『也過』。請看「koh」。

傳統台羅字「iáu koh」一般無揷連劃。

= 分隔線 =

iáu bōe
*iá bōe
*á-bōe
iáu bē
*iá bē
*á-bē

「Thiⁿ iáu bōe kng」云云。注意、「chia̍h pá á bōe」（chia̍h pá á bē）彼个句尾个「á bōe、á bē」是無仝詞組。請看「á」（"m̄ chai ū ~ bô"）。那「thiⁿ á-b(o)ē kng」个只个 á-b(o)ē、「iáu bōe、iáu bē」是原体。「Iá-」是「iáu-」个省音、夭「á-」是「iá-」个省音。請看「iáu」。注意、後節是「bōe、bē」（未）、不是「bē、bōe」（袂）。

連劃先無論、全羅《教會報》有 1671 篇寫「iáu-bōe」、673 篇寫「iáu-bē」。「Iá-bōe」1 篇、「iá-bē」2 篇、「á-bōe」67 篇、「á-bē」108 篇、「iah-bōe、-bē」「ah-bōe、-bē」0 篇。夭「á-bōe」「á-bē」恰多是塊寫「ē tiâu á bē」「hó á bōe」彼二種意思、着是「á、iá」含「bē、bōe」（袂）亞是「á、iá」含「bōe、bē」（未）。親像 703 号（1947 年 7 月）〈Kàu-hōe Siau-sit〉按呢寫『Téng-pang ūi-tio̍h ū-soàn á-boē khak-tēng, tì-kàu sit-keh』是眞少數。台羅字在來寫原体『iáu-bōe』（iáu bōe）『iáu-bē』（iáu bē）恰多、一般有用連劃、不閣有袂少作者亞是文献干礁籠（làng）縫。

= 分隔線 =

iu-goân
*iû-goân
*i-goân

詞典大常干礁記「iû-goân」、包含《厦英》。《台日》寫『猶原』、記「iu-goân」「iu-oân」「iû-oân」三体。《中教部閩南典》干礁記「iu-goân」、介成是照實塊記現代台灣音。《白話典》記「iû-goân」「i-goân」。鹿港許嘉勇先生（私底下請教）講鹿港語參全台灣个泉底台語朗講「iu-」。杜建坊〈2. iu1uan5 依原（猶原）用字及字義說帖〉寫講只个詞主要有「iu-oân」「iu-goân」「iû-goân」三体、主張「*i-goân」（依原）是原形。有理。呂宋《班唐》有收「YMITAR LO ANTIGUO」（YMITAR～IMITAR）『依原』（*i goân）。日本時代个小說（中文濫台文）有寫『依原』（賴堂郞小說・姉妹）。陳雷〈大頭兵黃明良〉有寫『依原』。

《中華漢方典》「依原」注解『照样；仍然；仍归』、用例有昆明官話一項、《水滸傳》官話文一項、「台灣」「*i-goâng」甲「潮州」『*I-GOÊNG』。袂靠得。

「猶」字在頂古・中古漢文是有英語『STILL』・北京語『還』『仍』个只項字義。日語『なお』（尚）永過八寫做『猶』。不閣《中華漢方典》「猶」字下底無收着倚意个唐山外語血緣詞。卜講漢文「猶」字是「iû-」个祖緣字、其實無省乜証據。

歌仔册多數寫『又原』。有个寫『由原』。有一半本仔寫『猶元』『猶原』『尤元』。拱樂社个劇本有寫『由原』（金銀天狗、德化萬惡）。流行歌詞大多數寫『猶原』、少數个少數寫『由原』『尤原』。台文在來罕得用着「猶」字「尤」字。平平是假借字、『猶』『尤』袂比「由」字。啞那「-goân」、照講「原」字「元」字上少有一字是「-goân」个祖緣漢文字、不閣「iu-goân」不是漢來詞、到底叨一字即是祖緣字、咱無法度確定。請看「goân-lâi」。